Pretendohet se administrata e presidentit të SHBA-ve, Donald Trump në periudhën janar-mars ka dëbuar në kundërshtim me ligjet qindra refugjatë venezuelianë.
Senatori Bob Menendez, anëtar i Komitetit për marrëdhënie me jashtë të Setatit Amerikan tha se sipas informacioneve që ka marrë nga Departamenti i Shtetit një numër i madh i refugjatëve venezuelianë janë rikthyer në vendin e tyre me udhëtimet e fshehta me avionë nga rajoni Trinidad dhe Tobago pa u paraqitur asnjë arsye gjatë periudhës mes muajit janar dhe mars.
Duke tërhequr vëmendjen se dëbimi i refugjatëve të cilëve ligjërisht duhej t’u jepej “statusi i përkohshëm i mbrojtjes” është në kundërshtim me ligjet e azilit si dhe në kundërshtim me ndalesën e fluturimeve të vendosura ndaj Venezuelës në fund të vitit 2019, Mendez kërkoi nga Departamenti i Jashtëm i Tranportit dhe ai i Brendshëm zbardhjen e ngjarjes.
Administrata e Trumpit edhe më parë është akuzuar për dëbimin në mënyrë të paligjshme të mijëra refugjatëve meksikanë.
Sipas ligjeve amerikane, dëbimi i atyre që kanë aplikuar për azil në vend mund të bëhet vetëm nëpërmjet vendimit të gjykatës.
