Drejtori i Organizatës Botërore të Shëndetësisë për Situata të Jashtëzakonshme, Michael Ryan, ka paralajmëruar qeveritë që ofrojnë informacione me motive politike rreth pandemisë së koronavirusit, se mund të ballafaqohen me reagime politike.
Ryan theksoi se tentimet për paraqitje të zgjidhjes së problemeve të caktuara për njerëzimin, nuk është një strategji afatgjate që mund të fitojë.
“Transparenca, respektimi dhe pranimi i gabimeve mund të ndërtojnë besimin”, ka thënë Ryan duke iu përgjigjur pyetjeve lidhur me pretendimet e vazhdueshme të qeverisë braziliane sa i përket pandemisë së COVID-19.
Nëse komunitetet vlerësojnë se po marrin informacione të cilat për qëllime politike po manipulohen, atëherë sipas Ryan një gjë e tillë mund të rikthehet si “boomerang”.
