Një orë para protestës, Apostolova takon Lumezin

Kryeprokurori i Shtetit, Aleksandër Lumezi, ka pritur sot në takim shefen e Zyrës së Bashkimit Europian në Kosovës, Nataly Apostolova, ku e ka njoftuar atë për funksionimin dhe efikasitetin e Prokurorit të Shtetit.

Në njoftim dërguar për media thuhet se Lumezi ka njoftuar Apostoloven edhe për gatishmërinë e prokurorëve të shtetit për forcimin e sundimit të ligjit.

“Gjatë këtij takimi Kryeprokurori Lumezi dhe shefja e BE-së, Nataly Apostolova, kanë diskutuar edhe për rastet të cilat janë të shenjëstruara nga Prokuroria për liberalizimin e vizave si dhe për rritjen e numrit të prokurorëve në Prokurorinë Speciale të Republikës së Kosovës.

Kryeprokurori Lumezi ka theksuar se është duke u angazhuar për krijimin e ambientit të sigurt për të gjithë prokurorët e shtetit, që ata të funksionojnë në mënyrë efikase, profesionale dhe të pandikuar nga askush.

Gjithashtu, Lumezi ka potencuar se institucioni i Prokurorit të Shtetit, është duke ndërmarrë të gjitha veprimet e nevojshme për përfundimin sa më të shpejtë të rastit të veteranëve, dhe dërgimin e akteve përkatëse në Gjykatën kompetente ashtu siç e përcakton Ligji.

Po ashtu, Kryeprokurori Lumezi, është shprehur se nuk do të lejoj askënd që të ndërhyjë dhe në ndikoj në mënyrë të kundërligjshme në punën profesionale të Prokurorit të Shtetit, në ndjekjen dhe hetimin e rasteve individuale. Shefja e BE-së, Nataly Apostolova ka premtuar se BE përmes projekteve të ndryshme do të vazhdoj ta përkrah institucionin e Prokurorit të Shtetit, në drejtim të forcimit të sundimit të Ligjit në Kosovë./Kosova Post/

- ISLAMSHOP.CH -spot_img

LEXO MË SHUMË

Së fundi