Ndahet nga jeta Sulejman Maliqati, ikona e portës shqiptare

Sapo njoftohemi nga familja, para disa minutash, në moshën 94 vjeçare ndal frymëmarrjen e fundit Sulejman Maliqati, “Macja e Zezë” , Heroi i Lajpcigut, mbrojtësi i sigurtë i portës së “Partizanit” dhe të kombëtares shqiptare në periudhën 1950-1964.

Kam shkruajtur shumë për Sulën tonë, por ja që tani e tutje duhet të mësohemi me mungesën e tij. “Mjeshtër i Merituar i Sportit”, “Nderi i Kombit”, futbollist, trajner, kuadër i edukimit fizik, baba i dhëmbshur, bashkëshort i përkushtuar, gjysh ideal, shok dhe mik gati i të gjithë shqiptarëve, kështu do të kujtohet Sul Maliqati.

Para pesë ditësh, Maliqati është rrëzuar dhe është dëmtuar rëndë. Me gjithë përkujdesjen e mjekëve, ai nuk mundi t’i përballonte dëmtimet dhe nuk mbijetoi.

Humbja dhe dhimbja janë të mëdha. Për çdo ditë takoheshim me Sulën dhe do ta kemi të vështirë të mësohemi pa të. Ngushëllimet më të sinqerta familjes!

Homazhet për 94-vjeçarin që mbylli sytë pasditen e kësaj të mërkure do të zhvillohen në hollin e Pallatit të Kulturës në Durrës në orën 13.00-15.00.

 

 

 

Kortezhi mortor do të niset në orën 15.00 drejt varrezave të qytetit, ndërkohë që pritet që qindra qytetarë t’i bashkohen homazheve për “macen e zezë” të portës së kombëtares shqiptare, që lindi më 1 gusht 1928 në qytetin e Kavajës.

 

Lamtumirë Sul Maliqati! Lamtumirë i paharruari ynë!

- ISLAMSHOP.CH -spot_img

LEXO MË SHUMË

Së fundi