Deputetja e Partisë së Lirisë, Monika Kryemadhi, është paraqitur mesditen e sotme në ambientet e Apelit të Posaçëm. Edhe këtë herë, ajo u shoqërua nga vajza e saj.
Kryemadhi ka ankimuar vendimin e Gjykatës Kundër Korrupsionit dhe Krimit të Organizuar që i sekuestroi dy vila në zonën e njohur “Kodra e Diellit”.
Një nga këto vila është në pronësinë e deputetes, ndërsa tjetra në pronësinë e nënës së saj.
GJKKO ka sekuestruar një vilë tre katëshe në pronësi të Fatime Kryemadhit në rezidencën “Kodra e Diellit” në Tiranë, me sipërfaqe: kati përdhes, 152 m2, nga të cilat 82 m2 banesë dhe 70 m2 verandë; kati nëntokë 139 m2, kati i parë 79 m2, kati i dytë 51 m2, verande kati i dytë 27.9 m2.
Ndërsa Monika Kryemadhit i është sekuestrua një vilë po në të njëjtën rezidencë, me sipërfaqe: kati përdhes 152 m2, nga të cilat 82 m2 banesë dhe 70 m2 verandë, kati nëntokë 139 m2, kati i parë 79 m2, kati i dytë 51 m2, verandë kati i dytë 27.9 m2.
