Miratohet ligji, shtetësi shqiptare dhe pasaportë për të gjithë shqiptarët

Qeveria e Shqipërisë në seancën e fundit, e miratoi propozim-ligjin “për shtetësi”, i cili përmban disa ndryshime thelbësore, siç është neni 6 ku parashihet “Marrja e shtetësisë në bazë të prejardhjes”.

Me këtë u mundësohet shqiptarëve të cilët jetojnë jashtë territorit të shtetit shqiptar, si në vendet fqinje dhe në diasporë, të marrin shtetësi shqiptare.

Risi tjetër e rëndësishme është në nenin 4, dhënia e shtetësisë shqiptare për secilin që do të lind në territorin e Republikës së Shqipërisë.

Kjo do të thotë se Shqipëria do ta zbatojë parimin “Jus soli” që i jep shtetësi secilit person që do të lind në territorin e saj edhe krahas asaj që asnjëri nga prindërit nuk ka shtetësi shqiptare.

Kjo në parim respektohet në SHBA, ndërsa në disa vende evropian ka kritere shtesë që duhet të plotësohen. Propozim-ligji për shtetësi pritet të jetë në rend dite në seancën e Parlamentit në shtator pas pushimeve verore. /SHENJA/

- ISLAMSHOP.CH -spot_img

LEXO MË SHUMË

Së fundi