Meta uron Gjermaninë për 30-vjetorin e bashkimit: Do të nxis aktorët institucionalë të plotësojnë kushtet për integrim

Presidenti Ilir Meta i ka uruar homologut të tij gjerman, Frank-Walter Steinmeier, 30-vjetorin e bashkimit të Gjermanisë. Me stë tjerash, në letrën e tij Meta vë theksin te bashkëpunimi i ngushtë mes dy vendeve dhe ndihma e madhe që Gjermania i ka dhënë Shqipërisë në rrugën e integrimit evropian.

Lidhur me këtë çështje, Kreu i Shtetit Shqiptar thekson se “Ju siguroj në vullnetin tim të palëkundur për të nxitur të gjithë aktorët institucionalë të vendit të vijojnë pandalur me reformat dhe plotësimin e kushteve që do të mundësojnë avancimin e procesit të integrimit europian të Shqipërisë”.

Mesazhi i Metës:

I nderuar zoti President, Frank-Walter Steinmeier,
Më lejoni që me rastin e Ditës së Bashkimit të Gjermanisë, të shpreh në emrin tim dhe të popullit shqiptar, urimet më të ngrohta e të përzemërta për Ju dhe popullin mik gjerman.
Në këtë jubile të rëndësishëm të 30 vjetorit të bashkimit të Gjermanisë, kam kënaqësinë e veçantë të vlerësoj bashkëpunimin e shkëlqyer që ekziston ndërmjet dy vendeve tona, si dhe ndjenjat e thella të miqësisë ndërmjet dy popujve tanë.
Përfitoj nga rasti të shpreh mirënjohjen e thellë për qasjen strategjike të Gjermanisë në mbështetje të zgjerimit të mëtejshëm të Bashkimit Europian drejt vendeve të Ballkanit Perëndimor, si dhe kontributin e saj thelbësor në vendimin politik të këtij viti të Këshillit Europian për të hapur negociatat e anëtarësimit për Shqipërinë.
Mbështetja e drejtpërdrejtë dhe e sinqertë e Gjermanisë mike është mirëpritur nga mbarë populli shqiptar.
Ju siguroj në vullnetin tim të palëkundur për të nxitur të gjithë aktorët institucionalë të vendit të vijojnë pandalur me reformat dhe plotësimin e kushteve që do të mundësojnë avancimin e procesit të integrimit europian të Shqipërisë.
Bashkë me urimet më të mira për Ju, si dhe për zhvillimin e përparimin e mëtejshëm të Gjermanisë, ju lutem, pranoni zoti President, shprehjen e konsideratës sime më të lartë. 🇦🇱🤝🇩🇪
Honorable Mr. President, Frank-Walter Steinmeier,
On the occasion of the Unification Day of Germany, please permit me to express also on behalf of the Albanian people, the warmest and wholehearted congratulations to You and to the friendly German people.
On this 30th important anniversary jubilee of the unification of Germany, I cherish the special pleasure to appreciate the excellent cooperation that exist between our two countries, as well as the deep feelings of friendship enjoyed by our two peoples.
I seize this opportunity to express my deep gratitude for Germany’ strategic approach in support of the further enlargement of the European Union with the Western Balkans’ countries, as well as its substantial contribution provided to this year’s European Council political decision to open the accession negotiations with Albania.
The whole Albanian people have welcomed the direct and sincere support of friendly Germany.
Please rest assured about my unwavering willingness to encourage all the domestic institutional actors to continue unabated with the reforms and the fulfillment and meeting of the conditions and criteria that will enable the advancement of Albania’s European integration process.
Please accept Mr. President the assurances of my highest consideration, alongside the best wishes to You, as well as those for the further development and progress of Germany! 🇦🇱🤝🇩🇪

 

- ISLAMSHOP.CH -spot_img

LEXO MË SHUMË

Së fundi