Kosova është rinjohur si shtet i pavarur nga Guineja-Bisau. Lajmin e ka bërë të ditur kryediplomati i vendit, Behgjet Pacolli.
Në Rubikon të KTV’së, ministri i Jashtëm kosovar ka prezantuar dokumentet që dëshmojnë rinjohjen nga Guineja-Bisau.
Rinjohja nga Guineja-Bisau vjen pasi shteti afrikan u raportua të ketë tërhequr muaj më parë njohjen e pavarësisë së vendit.
Lajmi për tërheqjen e njohjes për Kosovën nga Guineja-Bisau ishte raportuar fillimisht nga mediat serbe.
Ministri i Jashtëm i Serbisë, Ivica Daçiq, qe mburrur se kishte arritur të bindte shtetin afrikan të shfuqizonte njohjen për Kosovën./Kosova Post/
