Kosova afër marrëveshjes tregtare me Britaninë

Mbretëria e Bashkuar është në fazën përfundimtare të arritjes së një marrëveshjeje bilaterale tregtare me Kosovën para se të largohet nga Bashkimi Evropian, më 31 tetor.

Të dyja shtetet janë në diskutime për një transicion teknik nga Marrëveshja për Stabilizim dhe Asociim (MSA) të Bashkimit Evropian me Kosovën në marrëveshje bilaterale individuale në mes dy vendeve.

Nga Ambasada e Britanisë në Kosovë kanë thënë për gazetën se diskutimet do të vazhdojnë gjatë këtij viti dhe se janë afër përfundimit.

“Prioriteti ynë është të shmangim ndërprerjet në marrëdhëniet globale tregtare pasi të largohemi nga Bashkimi Evropian më 31 tetor”, thuhet në përgjigjen e Ambasadës, shkruan Koha Ditore. Sipas saj, Britania ka filluar të negociojë me shtetet për arritjen e një marrëveshjeje tregtare, e cila do të hyjë në fuqi pas daljes së saj nga BE-ja.

- ISLAMSHOP.CH -spot_img

LEXO MË SHUMË

Së fundi