Policia e Malit të Zi kapi pak pas mesnate një sasi prej 18 kilogramë lëndë narkotike të llojit kokainë, ndërsa arrestoi 34-vjeçarin shqiptar Arvid Halili si posedues të saj.
Lënda narkotike u sekuestrua në pikën e kalimit kufitar të Debela Brijeg, që lidh Kroacinë me Malin e Zi.
Autoritetet malazeze bën të ditur se në hyrje të Malit të Zi nga Kroacia, një mjet tip BMË, me targa franceze, i drejtuar nga 34-vjeçari Halili, është veçuar për kontroll të detajuar.
Gjatë kontrollit të imtësishëm u gjet një sasi e madhe droge në një hapësirë të posaçme nën sediljen e shoferit dhe të pasagjerit.
Droga ishte e ndarë në paketime të së njëjtës madhësi, peshë dhe formë, të mbështetje me shirit.
Nuk dihet ende se sa është sasia e saktë e drogës së gjetur, por nga verifikimet paraprake policia bëri të ditur se dyshohet për një sasi prej 18 kilogramësh.
Megjithatë pesha e saktë do të përcaktohet pas matjeve që do të bëhen në Qendrën e Mjekësisë Ligjore.
34-vjeçari shqiptar është arrestuar ndërsa malli i është dorëzuar efektivëve të Departamentit të Antidrogës në Drejtorinë e Policisë.
