Kohë pandemie, gjobiten me nga një milion lekë 2 pronarë në Krujë

Dy pronarë subjektesh janë ndëshkuar me masë administrative në Krujë, madje njërit prej tyre i është mbyllur edhe aktiviteti, pasi u konstatuan duke ushtruar aktivitet në mënyrë të përsëritur kundër Aktit Normativ, teksa vijojnë kontrollet nga policia për monitorimin e zbatimit të masave kufizuese, me qëllim parandalimin e përhapjes së COVID-19.

Shërbimet në Komisariatin e Policisë Krujë, në vijim të kontrolleve të ushtruara në subjekte të ndryshme, me qëllim parandalimin e përhapjes së COVID-19, kanë evidentuar në Krujë, subjektin në pronësi të shtetasit L.C., i cili në mënyrë të përsëritur organizonte ceremoni familjare.

Për këtë subjekt, shërbimet e Policisë Krujë, kanë vendosur masë administrative 1.000.000 lekë dhe mbyllje të aktivitetit për një periudhë 6-mujore.

Për subjektin me pronar shtetasin A.V., shërbimet e Policisë kanë vendosur masë administrative 1.000.000  lekë, pasi ka organizuar ceremoni familjare në kundërshtim me Aktin Normativ.

Drejtoria Vendore e Policisë Durrës apelon për të gjithë pronarët e subjekteve që ushtrojnë aktivitet, të respektojnë me rigorozitet protokollet e sigurisë dhe masat kufizuese, me qëllim parandalimin e përhapjes së COVID-19.

- ISLAMSHOP.CH -spot_img

LEXO MË SHUMË

Së fundi