Zëdhënësja e Ministrisë së Punëve të Jashtme të Kinës, Hua Chunying, në një konferencë të zakonshme për shtyp bëri deklarata lidhur me fluturimin e avionit transportues ushtarak të tipit “C-40A” të SHBA-ve mbi Tajvan.
Chunying mbrojti idenë e saj se SHBA-ja me këtë veprim ka shkelur normat themelore të ligjit ndërkombëtar dhe marrëdhënieve ndërkombëtare. Ajo theksoi se “Kina e kundërshton kategorikisht këtë dhe e dënon në mënyrë të fuqishme”.
Duke i bërë thirrje SHBA-ve që të ndalë këto veprime “të paligjshme dhe provokative” Chunying tha se “Kina do të marrë të gjitha masat e nevojshme dhe do të mbrojë me vendosmëri interesat e saj për sovranitetin, sigurinë dhe zhvillimin kombëtar”.
- Avioni transportues ushtarak amerikan hyri më 9 qershor në hapësirën ajrore të Tajvanit
Sipas lajmeve në shtypin e Tajvanit, ministria e mbrojtjes kishte deklaruar se më 9 qershor avioni ushtarak “C-40A” i ushtrisë amerikane hyri në hapësirën ajrore të Tajvanit dhe se nuk mundi të kryejë ulje në aeroportet ajrore të vendit.
Avioni i ngritur nga ishulli Okinawa i Japonisë, kaloi mbi Tajvan dhe fluturoi në Azinë Jugore.
- Statusi i Tajvanit
Në vitin 1949 pasi Mao Zedong erdhi në pushtet në Kinë, Chiang Kai-shek dhe disa anëtarë të qeverisë u vendosën në Tajvan dhe shpallën pavarësinë duke pretenduar se pushteti i “Republikës së Kinës” që u formua në 1912 vazhdon në ishull dhe kjo iniciativë nuk u pranua nga Kina.
