Çmimi Nobel në Fizikë iu dha shkencëtarit amerikan John Hopfield dhe studiuesit britaniko-kanadez Geoffrey Hinton për punën e tyre në fushën e IA-së (Machine Learning), njoftoi sot Akademia Mbretërore Suedeze e Shkencave.
Shkencëtarët përdorën koncepte themelore nga fizika statistikore për të dizajnuar rrjete nervore artificiale që funksionojnë si kujtime shoqëruese – dhe për të gjetur modele në grupe të mëdha të dhënash”, tha Ellen Moons, kryetare e Komitetit Nobel për Fizikën.
(ML) është një degë e shkencës kompjuterike që fokusohet në përdorimin e të dhënave dhe algoritmeve për të mundësuar IA-në të imitojë mënyrën se si njerëzit mësojnë, duke përmirësuar gradualisht saktësinë e saj.
“Machine Learning ishte bërë pjesë e jetës sonë të përditshme, për shembull në njohjen e fytyrës dhe përkthimin e gjuhës”, tha Moons.
Puna e dy shkencëtarëve krijoi blloqet ndërtuese të “Machine Learning” që mund të ndihmojnë njerëzit në marrjen e vendimeve më të shpejta dhe më të besueshme”.
Megjithatë, ajo vuri në dukje se përparimi i shpejtë në “Machine Learning” kishte ngritur shqetësime për të ardhmen tonë si njerëz dhe për përdorimin etik të teknologjisë.
Çmimet do të dorëzohen më 10 dhjetor, në përvjetorin e vdekjes së Alfred Nobelit (1833-96), shpikësit të dinamitit
