Parlamenti italian ka miratuar një ligj të ri mbi inteligjencën artificiale, që e bën shpërndarjen e imazheve ose videove të gjeneruara nga IA, pa pëlqimin e atyre që shfaqen, të dënueshme deri në pesë vjet burg.
Masa, e mbështetur nga të dy dhomat e parlamentit – përfshirë një votim përfundimtar 77 pro dhe 55 kundër në Senat – synon individët dhe bizneset që qarkullojnë foto ose video pa leje, të krijuara nga inteligjenca artificiale.
Në rastet e të ashtuquajturave deepfake, mund të duket se dikush ka thënë ose ka bërë diçka që në të vërtetë nuk e ka bërë kurrë.
Ligjvënësit vepruan pas një sërë rastesh të fundit që përfshijnë video pornografike të gjeneruara nga inteligjenca artificiale, në të cilat gratë, përfshirë figurat publike, ishin shpesh viktima.
Italia shndërrohet në vendin e parë në BE që krijon një kornizë ligjore kombëtare që përfshin udhëzimet e reja të Bashkimit Evropian për inteligjencën artificiale.
Ligji përcakton parimet e përgjithshme për përdorimin e inteligjencës artificiale dhe udhëzon qeverinë të hartojë rregullore të hollësishme mbi përdorimin e sistemeve të inteligjencës artificiale.
