Kryetari i Lidhjes Demokratike të Kosovës, Isa Mustafa përmes një postimi në rrjetin social facebook ka përkujtuar ish-kryetarin e Istogut tashmë të ndjerë, Fadil Feratin.
Sipas Mustafës, Fadili nuk ishte politikan i zakonshëm, por udhëheqës me tipare të larta.
Ja postimi i tij:
Sot 8 vjet më parë u nda nga ne kryetari shumëvjeçar i Istogut dhe nënkryetari i LDK-së, Fadil Ferati.
Fadili nuk ishte politikan i zakonshëm.
Ai ishte udhëheqës me tipare të larta, ishte lider popullor që e kishte besimin plebishitar të qytetarëve, duke qenë gjithnjë në krye të përgjegjësive politike e kombëtare.
Fadili ishte një prej shtyllave më të forta të LDK-së dhe lëvizjes për liri, pavarësi dhe demokraci në Kosovë.
Istogu dhe Kosova do ta përkujtojnë përherë njeriun e tyre model, Fadil Feratin!/Kosova Post/