Grasso: Gjendja e sigurisë në Kosovë është e qetë, pse mbrëmë fluturoi helikopteri i KFOR-it në veri?

Zëdhënësi i KFOR-it, Vincenzo Grasso ka zbuluar arsyen pse mbrëmë një helikopter fluturoi mbi komunat veriore të Kosovës.

Zëdhënësi i KFOR-it në Kosovë, Vincenzo Grasso ka thënë se situata e sigurisë në Kosovë është e qetë dhe nën kontroll.

Ai ka shtuar se nuk ka arsye për frikë pas fluturimit të helikopterit të KFOR-it mbrëmë mbi Mitrovicë, në Zveçan dhe një pjesë të territorit të Zubin Potokut.

Grasso për të përditshmen serbe “Politika” ka thënë se sipas informacioneve të KFOR-it nuk ka rrezik nga kriza humanitare në katër komunat me shumicë serbe në veri dhe shtoi se një retorikë e tillë nuk ndihmon në normalizimin e jetës.

“Fluturimi i mbrëmshëm i helikopterit ka qenë një lëvizje e zakonshme sepse ishte momenti i ndërrimit të tyre. Nuk ka arsye për frikë”, u shpreh Grasso.

“Nuk ka ndryshime në strukturën e KFOR-it dhe gjithçka është duke shkuar në rrjedhë normale”, shtoi ai. Grasso ka theksuar se situata e sigurisë në Kosovë është e qetë dhe nën kontroll , transmeton lajmi.net.“Asgjë e papritur nuk mund të ndodh dhe KFOR vazhdon të zhvillojë komunikim me të gjitha institucionet relevante në Kosovë dhe Serbi”, tha zëdhënësi i KFOR-it.

- ISLAMSHOP.CH -spot_img

LEXO MË SHUMË

Së fundi