Forcat qeveritare në Libi kanë vendosur në objektiv pozicionet e milicëve të puçistit ushtarak Khalifa Haftar të cilët janë të pozicionur në perëndim të kryeqytetit Tripoli.
Zëdhënësi i Qeverisë së Libisë, Muhammed Kununu, në një deklaratë nga qendra e operacionit “Burkan Al-Ghadab” tha se është kryer një sulm ajror në bazën ajrore al-Witia e cila kontrollohet nga milicët e Haftarit.
Theksohet se sulmet në fjalë ndaj pozicioneve të milicëve puçistë në perëndim të qytetit u kryen pasi milicët e Haftarit kryenin bombardime intensive ndaj vendbanimeve civile në Tripoli.
- Që nga dita e premte në Tripoli kanë humbur jetën 5 civilë
Në sulmet intensive me raketa që milicët e Haftarit kanë kryer nga dita e premte ndaj vendbanimeve civile në Tripoli, kanë humbur jetën 5 civilë ndërsa 18 të tjerë janë plagosur.
Këshilltari për media i Ministrisë së Shëndetësisë, Amin Al-Hashemi, në një deklaratë për AA-së tha se milicët e Haftarit vendosën në objektiv konvitkin e një universiteti në zonën Al-Ferjan të Tripolit i cili ishte ndarë për akomodimin e personave që kanë migruar nga rajonet e brendshme të vendit.
