Vijon të jetë alarmante situate në Krujë, për shkak të helmimit masiv të banorëve. Paraprakisht dyshohet se ata janë helmuar nga uji.
Në dy ditët e fundit në urgjencën e Infektivit dhe atë të Pediatrisë ka pasur fluks pacientësh me diarre dhe të vjella.
Ata kanë marrë ndihmën e nevojshme mjekësore dhe më pas janë larguar për në banesat e tyre, por ende ka qytetarë që ndodhen ende në spital, pasi janë në një gjendje më të rënduar shëndetësore.
Policia doli me një njoftim zyrtar për ngjarjen e rëndë ditën e djeshme por raportoi se bëhej fjalë vetëm për 35 të helmuar.
Pritet që në orët në vijim të ketë informacione të reja për situatën e rëndë.