Facebook heq ndalimin për teoritë se COVID-19 u krijua nga njeriu dhe vjen nga një laborator

Facebook nuk do të ndalojë më botimin e teorive që pretendojnë se COVID-19 u krijua nga njeriu, ndërkohë që hipoteza e një aksidenti laboratorik në Kinë po kthehet në debat të ashpër në SHBA.

“Në dritën e hetimeve aktuale për origjinën e COVID-19 dhe në këshillim me ekspertët e shëndetit, ne nuk do të heqim nga platformat tona pretendimet se COVID-19 u krijua nga njerëzit”, njoftoi grupi në faqen e tij.

Rrjeti social, i përdorur nga rreth 3,45 miliardë persona në të paktën një nga katër platformat e tij (Facebook, Instagram, Messenger, WhatsApp) shkon kundër rregullave të tij të mëparshëm për keqinformimin në kohën e COVID-19, të përditësuara shkurtin e kaluar.

Rrjeti planifikoi ndalimin e teorive që sugjerojnë një dorë njerëzore prapa shfaqjes së virusit, si edhe paefektshmërinë e pretenduar të vaksinave ose faktin që ato mund të jenë toksike ose të rrezikshme.

“Ne vazhdojmë të punojmë me ekspertë për të monitoruar natyrën në ndryshim të pandemisë dhe për të përditësuar rregullisht politikat tona, ndërsa shfaqen fakte dhe tendenca të reja”, shpjegoi Facebook.

Në të njëjtën kohë, teoria e një aksidenti laboratorik në Wuhan, Kinë, është rikthyer javët e fundit në debatin amerikan, pasi u la mënjanë gjatë nga shumica e ekspertëve.

Gjithashtu, po rriten thirrjet për hetime më të thelluara brenda komunitetit shkencor.

- ISLAMSHOP.CH -spot_img

LEXO MË SHUMË

Së fundi