Kreu i Delegacionit të Bashkimit Evropian në Serbi, Sam Fabrici ka thënë se Brukseli është i angazhuar për normalizimin e marrëdhënieve Kosovë-Serbi.
Kreu i Delegacionit të Bashkimit Evropian, Sam Fabrici, ka përsëritur se Brukseli është i angazhuar për të arritur një marrëveshje që do të jetë ligjërisht detyrues e cila ka për synim normalizimin e plotë të marrëdhënieve.
“Ju e dini qëndrimin e Bashkimit Evropian për njohjen e Kosovës, është e qartë. Ne jemi në favor të arritjes së një marrëveshjeje që do të jetë ligjërisht e detyrueshme, me normalizimin e plotë të marrëdhënieve”, deklaroi Fabrici.
Shefi i Delegacionit të Bashkimit Evropian në Serbi nuk ka dashur të komentojë pikëpamjet e partive të tjera apo rezultatin e mundshëm të dialogut.
Ndryshe Hale gjatë qëndrimit të tij në Prishtinë deklaroi se, Kosova është përpara hapit kyç në rrugën drejt një të ardhmeje të begatë.
Sipas tij, për t’u arritur kjo gjë, duhet marrëveshja gjithëpërfshirëse në mes të Kosovës dhe Serbisë, në të cilën pika kyçe është njohja e qëndrueshme në mes të dyja shteteve.