24.5 C
Tirana

Erdogan në Athinë me 7 Dhjetor

Më datë:

Kryeministri grek Kyriakos Mitsotakis do të takohet me presidentin turk Rexhep Tajip Erdogan në Athinë dhe jo në Selanik, siç ishte planifikuar fillimisht, gjatë muajit të ardhshëm.

Sipas Ministrisë së Jashtme, ndryshimi i vendndodhjes së takimit, i cili do të mbahet në kuadër të Këshillit të Bashkëpunimit të Nivelit të Lartë Greqi-Turqi, është rënë dakord nga të dyja palët. Sipas informacioneve, vendi i takimit është ndryshuar për arsye organizative dhe sigurie, pas konsultimeve mes dy palëve.

Erdogan pritet të shoqërohet nga një delegacion i madh ministrash dhe zyrtarësh të tjerë.

Kryeministri Mitsotakis  është shprehur se pavarsisht dallimeve me presidentin turk do ta mirëpresë atë në Greqi.

“Qëndrimi i mëparshëm ndaj Greqisë ishte jashtëzakonisht kundërproduktiv.Unë tashmë e kam takuar Rexhep Tajip Erdoganin dy herë në muajt e fundit, dhe nuk jam plotësisht dakord me deklalarat e tij për Hamasin, por që nuk është arsye për të mos e pritur atë në Greqi.”

Gjatë vizitës në Gjermani, Mitsotakis shtoi se gjatë takimit me Erdoganin do të diskutohet edhe për normalizimin e marrëdhënieve dypalëshe, marrëdhëniet BE-Turqi dhe bashkëpunimin për parandalimin e emigracionit të parregullt.

Takimi i fundit mes kryeministrit Kyriakos Mitsotakis dhe presidentit turk Rexhep Tajip Erdogan u zhvillua në Nju Jork Shtatorin e kaluar, në margjinat e Asamblesë së Përgjithshme të OKB-së. Hera e fundit që presidenti turk shkoi në Athinë ishte në vitin 2017.

Shpërndarje

spot_imgspot_img

Më të fundit

Më shumë si kjo
Të ngjashme

GJKKO vendos masat e sigurisë për mjekët dhe personelin e Onkologjikut

GJKKO ka lënë në fuqi të njëjta masa sigurie,...

Reforma zgjedhore, Bardhi: Përpjekje për të hapur në maksimum listat e kandidatëve për deputetë

Kreu i Grupit Parlamentar të Partisë Demokratike, Gazment Bardhi,...

SPAK çon në gjyq ish-kryebashkiakun e Lushnjës: Fatos Tushe fshehu pasurinë

SPAK ka mbyllur hetimet dhe ka çuar në gjyq...

Wisk në pronësi të Boeing pret që taksia e saj ajrore pa pilot të transportojë pasagjerë

Wisk Aero në pronësi të Boeing pret që taksia...