Në zemër të Alpeve zvicerane, dimri ka trokitur për herë të parë këtë sezon.
Fshati malor Arolla, në kantonin e Valais, është mbuluar nga një petk i bardhë dëbore.
Në një lartësi prej rreth 2 mijë metrash mbi nivelin e detit, dëbora ka krijuar një pamje magjepsëse në sipërfaqen e liqenit të pjesërisht të ngrirë.
“Liqeni Blu” është një destinacion i preferuar për alpinistët.
Ngjyra e tij karakteristike, një nuancë e thellë e kaltër, vjen nga përzierja unike e algave dhe argjilave akullnajore që reflektojnë dritën në mënyrë të veçantë.
Alpet e Zvicrës na sjellin imazhe të majave madhështore të mbuluara me dëborë, lugina të gjelbëruara dhe liqene me ujë të kthjellët si kristali. Kjo është një kryevepër e natyrës, duke e bërë Zvicrën epiqendrën e alpinizmit dhe turizmit malor.
Për ata që e duan malin dhe natyrën e egër, Alpet zvicerane nuk janë thjesht një destinacion, por një përvojë transformuese.
