Departamenti amerikan i Shtetit njoftoi masa të mëtejshme kundër atyre që janë përgjegjës apo bashkëfajtorë në dobësimin e demokracisë në Gjeorgji.
Dispozita ka të bëjë me rreth 20 persona, duke përfshirë edhe individë të cilët shërbejnë si ministra të qeverisë dhe në Parlament, zyrtarë të zbatimit të ligjit dhe të sigurisë dhe qytetarë.
”Shtetet e Bashkuara dënojnë fuqishëm dhunën e vazhdueshme, brutale dhe të pajustifikuar të partisë ‘Ëndrra gjeorgjiane’ ndaj qytetarëve gjeorgjianë, protestuesve, anëtarëve të medias, aktivistëve për të drejtat e njeriut dhe figurat e opozitës”, tha DASH-i në një komunikatë.
”Kjo parti është distancuar nga e ardhmja euroatlantike e Gjeorgjisë, për të cilën shumica dërrmuese e popullit gjeorgjian aspiron. Ne jemi të përkushtuar ta sigurojmë këtë aspirate duke ndëshkuar zyrtarët e lartë përgjegjës ose bashkëpunëtorë në minimin e demokracisë”, theksohet në deklaratën e DASH-it.
