Dalin emrat, kush janë 3 të rinjtë nga Shijaku që dhunuan dhe i grabitën 12 mln lekë të moshuarit në Memaliaj

Detaje të reja janë zbardhur nga grabitja me dhunë e ditës së djeshme në Memaliaj, ku maskat bënë për spital të moshuarin Hiqmet Ramadani dhe i morën 12 milionë lekë.

Gazetarja Brikena Metaj zbulon për “BalkanWeb” emrat e tre personave të arrestuar, të cilët dyshohet se janë autorët e ngjarjes së rëndë.

Kështu, në pranga kanë rënë të rinjtë Erald Allushi, 23 vjeç, Armando Reka, 22 vjeç, dhe Fatjon Resuli, 28 vjeç, të tre banues në Shijak, ndërsa është shpallur në kërkim shtetasi Vilson Suti.

Ngjarja e rëndë ndodhi një ditë më parë, ku autorët hynë në banesën e të moshuarve të maskuar dhe të armatosur dhe dhunuan të zotin e shtëpisë, i cili përfundoi në spital, dhe i morën shumën e parave, që e kishte tërhequr nga banka për Vit të Ri.

- ISLAMSHOP.CH -spot_img

LEXO MË SHUMË

Së fundi