Policia Rrugore e Lezhës ka njoftuar sot se duke filluar që prej orës 12:00 do të bllokohet qarkullimi i automjeteve në të dyja kahet e autostradës A1, në Fushë Mamurras.
Sipas njoftimit zyrtar, shkak i këtij bllokimi janë punimet për riparimin e linjës së energjisë elektrike që është ndërprerë për shkak të erës.
Policia njofton qytetarët se bllokimi i qarkullimit do të zgjasë për 15 minuta.
“Qarkullimi do të bllokohet për rreth 15 minuta, për të garantuar sigurinë e personelit teknik që do të kryejë punimet për riparimin e linjës së energjisë elektrike që është ndërprerë për shkak të erës”, thekson policia ndërsa kërkon mirëkuptimin e drejtuesve të automjeteve për devijimin e qarkullimit dhe për respektimin e sinjalistikës rrugore.
