Asnjë viktimë në 24 orët e fundit, 7 raste të reja me COVID-19 në Kosovë

Instituti Kombëtar i Shëndetësisë Publike në Kosovë tha të premten (25 qershor) se janë regjistruar edhe shtatë raste të reja të të infektuarve me koronavirus dhe shifra bazohet në 1.224 mostra të testuara.

Gjatë 24 orëve të fundit, nuk është shënuar asnjë rast i vdekjes. Nga sëmundja COVID-19 janë shëruar edhe 12 pacientë ndërsa raste aktive janë 166.

Me shifrat e fundit, numri i përgjithshëm i rasteve pozitive në Kosovë arrin në 107.714, i viktimave në 2.256 dhe i të shëruarve në 105,292.

Deri të premten, sipas Ministrisë së Shëndetësisë në Kosovë, janë dhënë 152.643 doza të vaksinës kundër koronavirusit, ndërsa 26.794 qytetarë tashmë janë vaksinuar me dozën e dytë.

Vaksinimi po bëhet me doza të dhuruara nga programi Covax i Organizatës Botërore të Shëndetësisë, nga Bashkimi Evropian dhe shtete individuale.
Procesi i vaksinimit në Kosovë ka nisur në fund të muajit mars.

- ISLAMSHOP.CH -spot_img

LEXO MË SHUMË

Së fundi