Policia ka vënë në pranga një 46-vjeçar që furnizonte grupet kriminale me armë zjarri. Për të shmangur kontrollet policore, ai përdorte taksinë e tij.
Siç duket edhe nga këto pamje të shpërndara nga policia, ai u kap teksa lëvizte me taksinë e tij në rrugën e Dibrës. Autoritetet i gjetën dhe sekuestruan katër armë zjarri.
Sipas hetimet, ato do t’u shiteshin grupeve kriminale. Po ashtu, “ekspertit të armëve”, nga i cili ka marrë emrin edhe aksioni i policisë (Gun Expert), iu gjet edhe kokainë dhe pjesë të ndryshme arme.
“Punohet për identifikimin e personave të tjerë të përfshirë në këtë veprimtari kriminale”, njoftoi policia
