Arrestohen 6 persona në Tiranë, ja për çfarë akuzohen

Date:

Gjashtë persona kanë rënë në prangat e policisë së Tiranës për vepra të ndryshme penale.

Një 32-vjeçar i identifikuar me inicialet I. M., u arrestua pasi gjatë kontrollit të ushtruar në banesën e tij, iu gjet dhe iu sekuestrua në cilësinë e provës materiale një sasi lënde e dyshuar narkotike cannabis sativa;

Ndërsa S. S., 20 vjeç, u vu në pranga pasi është konstatuar duke shitur lëndë të dyshuar narkotike. Gjatë kontrollit iu gjet dhe iu sekuestrua një sasi lënde e dyshuar narkotike cannabis sativa.

Specialistët për Hetimin e Krimeve në Komisariatin e Policisë Nr. 2 bënë arrestimin në flagrancë të shtetasit E. P., 18 vjeç, pasi u kap duke vjedhur një biçikletë. Gjithashtu, nga veprimet hetimore, ka rezultuar se ky shtetas është autor edhe i tri vjedhjeve të tjera të ndodhura më parë, konkretisht:

– Më datë 15.10.2021, i ka vjedhur biçikletën shtetasit R. K.;

– Më datë 18.11.2021, i ka vjedhur biçikletën shtetasit E. K.;

– Më datë 21.11.2021, i ka vjedhur biçikletën shtetasit A. L.

Specialistët për Hetimin e Krimeve në Komisariatin e Policisë Nr. 3 bënë arrestimin në flagrancë të shtetasit K. B., 22 vjeç, pasi ka shkelur masën e sigurisë “Arrest në shtëpi” dhe është konstatuar nga shërbimet e Policisë, jashtë banesës së tij.

Specialistët për Hetimin e Krimeve në Komisariatin e Policisë Nr. 6 bënë ndalimin e shtetasit N. Sh., 37 vjeç, pasi në kundërshtim me vendimin e Gjykatës, ka ushtruar dhunë psikologjike ndaj ish-bashkëjetueses, e cila është e pajisur me urdhër mbrojtje.

Specialistët për Hetimin e Krimeve në Komisariatin e Policisë Vorë bënë arrestimin në flagrancë të shtetasit B. M., 59 vjeç, pasi ka tentuar të kryejë veprime të turpshme në publik, në prani të një shtetaseje.

Materialet i kaluan Prokurorisë së Rrethit Gjyqësor Tiranë, për veprime të mëtejshme procedurale.

Share post:

Subscribe

spot_imgspot_img

Popular

More like this
Related

Tentoi të hidhej në lumin Buna me 4 fëmijët e mitur, policia parandalon 27-vjeçaren

Ndërhyrja në kohë e policisë ka parandaluar një ngjarje...

Vrau kunatën me sëpatë, Tefik Tashi dënohet me burgim të përjetshëm

Prokuroria pranë Gjykatës së Shkallës së Parë të Juridiksionit...

BE vazhdon diskutimet për heqjen e masave ndaj Kosovës

Përkundër pritjeve dhe paralajmërimeve se masat e Bashkimit Evropian...

Veliaj nderon ish-ambasadorin Arvizu me “Çelësin e Qytetit”

Bashkia e Tiranës nderoi sot, në një ceremoni të...