Aktori i njohur Leonardo DiCaprio njëherësh aktivist për çështjet mjedisore ka bërë sërish thirrje që lumi i Vjosës të shpallet Park Kombëtar.
Ditën e djeshme aktori ka bërë sërish thirrje në Twitter, duke kërkuar shpalljen e Vjosës si Park Kombëtar. DiCaprio është shprehur se ky status ‘do ta mbrojë zonën nga digat dhe nga një kërcënim i ri si shpimet e naftës dhe gazit’.
“Dhënia e statusit të lumit Vjosa si një park kombëtar do ta mbrojë zonën nga digat dhe nga një kërcënim i ri si shpimet e naftës dhe gazit. #VjosaParku KombëtarTani”=shkruan Di Caprio.
DiCaprio e shoqëroi postimin me një artikull të organizatës ‘Global Wildlife Conservation’ të shkruar nga gazetarja Gege Li, një biokimiste e cila prej vitesh shkruan për natyrën në revista shkencore si ‘New Scientist’ apo ‘Chemistry World Magazine’.
Në artikull përmenden protestat e vazhdueshme nga shoqëria civile dhe angazhimet e aktivistëve mjedisor apo dhe komunitetit shkencor për ta shpallur Vjosën Park Kombëtar.
Granting the Vjosa River status as a national park would protect the area from dams and a new threat from oil and gas drilling. #VjosaNationalParkNow https://t.co/evi71o1Mg2
— Leonardo DiCaprio (@LeoDiCaprio) May 6, 2021
