Kryetarja e Kuvendit, Elisa Spiropali u takua në Komisionin e Venecias me Presidentin e Asamblesë Parlamentare të Këshillit të Evropës, Theodoros Roussopoulos.
Gjatë takimit Spiropali dhe Roussopoulos diskutuan mbi arritjet e Shqipërisë në thellimin e reformave.
Spiropali theksoi se “këto reforma mundësuan nxjerrjen nga lista e vendeve në monitorim, forcimin e shtetit të së drejtës e respektimin e të drejtave të njeriut, luftën kundër korrupsionit, bashkëpunimin rajonal dhe mbi zgjerimin e bashkëpunimit mes Asamblesë Parlamentare dhe Kuvendit”.
Kryetarja e Kuvendit, Elisa Spiropali, me ftesë të Komisionit të Venecias, mori pjesë dje në sesionin plenar të 141-të të këtij Komisioni. Spiropali shprehu mirënjohjen për të gjithë anëtarët e këtij forumi prestigjioz, personalitete të shquar të së drejtës, të njohur botërisht, për bashkëpunimin e shkëlqyer dhe konstruktiv me Kuvendin e Shqipërisë.
Në seancën e djeshme plenare Komisioni i Venecias shqyrton kërkesën e Kryetares së Kuvendit Elisa Spiropali nëse Gjykata Kushtetuese mund të imponojë një deputet se si duhet të votojë.
