Facebook Inc. përsëri po paditet për gjoja spiunim në përdoruesit e Instagram, këtë herë përmes përdorimit të paautorizuar të kamerave të tyre të telefonit celular.
Sipas Bloomberg, përcjell Telegrafi, procesi gjyqësor buron nga raportet e mediave në korrik se aplikacioni për ndarjen e fotografive dukej se po përdorte kamerat e iPhone edhe kur ato nuk po përdoreshin në mënyrë aktive.
Facebook mohoi raportet dhe fajësoi një defekt, të cilin tha se po e korrigjonte, për shkaktimin e atyre që i përshkroi si njoftime të rreme se Instagram po përdorte kamerat e iPhone.
Në ankesën e depozituar të enjten në gjykatën federale në San Francisco, përdoruesja nga New Jersey e Instagram, Brittany Conditi pretendon se përdorimi i kamerës nga aplikacioni është i qëllimshëm dhe është bërë me qëllim të mbledhjes së të dhënave “fitimprurëse dhe të vlefshme për përdoruesit e saj“.
Duke “marrë të dhëna personale jashtëzakonisht private dhe intime për përdoruesit e tyre, përfshirë privatësinë e shtëpive të tyre”, Instagram dhe Facebook janë në gjendje të mbledhin “njohuri të vlefshme dhe hulumtime të tregut”, sipas ankesës.
Dhe siç shkruan më tej Bloomberg, Facebook nuk pranoi të komentonte.
Bloomberg thekson se në një padi të ngritur muajin e kaluar, Facebook u akuzua për përdorimin e teknologjisë së njohjes së fytyrës për të “korrur” në mënyrë të paligjshme të dhënat biometrike të më shumë se 100 milionë përdoruesve në Instagram.
Facebook e mohoi pretendimin dhe tha se Instagram nuk përdor teknologjinë e njohjes së fytyrës.
