Imuniteti ndaj riinfektimit nga coronaviruset njerëzore mund të zgjasë vetëm gjashtë muaj, sipas një studimi të Universitetit të Amsterdamit.
Sipas Euronews, përcjell Telegrafi, me këtë, ky studim hedh dyshime mbi prakticitetin e futjes së “pasaportave të imunitetit”, të cilat disa qeveri duan t’i lëshojnë për të mbijetuarit nga COVID-19 me supozimin se ata nuk mund të rikthehen dhe janë të lirë të ndihmojnë ekonominë të rikthehet në këmbët e saj.
Siç thuhet më tej, studimi monitoroi 10 burra mbi 35 vjet për të përcaktuar nivelin e antitrupave pas infeksionit për ndonjë nga katër coronaviruset sezonale të njeriut.
Këta burra, në atë kohë nga 27 deri 40 vjeç, u testuan në intervalin tre ose gjashtë muaj.
Studiuesit zbuluan se kishte një “kohëzgjatje alarmante të shkurtër të imunitetit mbrojtës ndaj coronavirusëve” me shkencëtarët duke vërejtur “riinfeksione të shpeshta në 12 muaj pas infeksionit dhe ulje të konsiderueshme të niveleve të antitrupave edhe para 6 muaj pas infeksionit”.
Ata theksuan se të katër llojet e coronavirusëve njerëzorë janë “biologjikisht të ndryshëm” dhe “kanë pak të përbashkët, përveç se shkaktojnë ftohjen e zakonshme”.
“Ende, të gjitha ato duket se shkaktojnë një imunitet afatshkurtër me humbje të shpejtë të antitrupave. Ky mund të jetë një emërues i përgjithshëm për coronaviruset njerëzore”.
“Nëse SARS-CoV-2 do të sillet si një coronavirus sezonal në të ardhmen, mund të pritet një model i ngjashëm”, vazhduan ata.
“Meqenëse imuniteti mbrojtës mund të humbet nga 6 muaj pas infektimit, perspektiva e arritjes së imunitetit funksional të tufës nga infeksioni natyror duket shumë e pamundur”, paralajmëruan ata.
