Kryeministri Edi Rama ka mbajtur sot një konferencë me gazetarë të BE-së, të cilët fokusin e kanë pasur te protestat që po mbahen në vendin tonë kundër investimit në Zvërnec.
Rama tha se u ka kërkuar protestuesve të ulen në dialog për këtë çështje, por ata nuk kanë pranuar dhe kanë vijuar me thirrjet që ai të largohet.
Sipas Ramës, ky investim ka protokolle të përcaktuara dhe investitorëve u është kërkuar që t’i respektojnë ato pikë për pikë. Mes kërkesave janë edhe ato që lidhen me mbrojtjen e zonës dhe mjedisit.
Edi Rama me gazetarët e BE-së:
Çdokush që ka një pronë private ka të drejtë të vendosë një gardh. Kur ka një proces të tillë, kemi protokolle që vërtetojnë të kundërtën, që ky vend funksionon si vend europian.
Kemi protokolle që vërtetojnë me shkrim që investuesve u janë thënë për cënueshmërinë e zonës, parametrat e për të tjera gjëra….
Çfarë mendoni? Si ta gjejë dikush mënyrën që ta bëjë të vërtetën të shihet dhe të dëgjohet.
Unë e thashë ditën e parë dhe të dytë pastaj hoqa dorë se e pashë që s’kishte të bënte me mjedisin por me një ndjenjë që ‘është koha jonë të marrim kontroll’.
E thashë që kush do të flasë është i mirëpritur për projektin. Përgjigja ishte ‘jo, ne nuk flasim, ne nuk dëgjojmë, ti duhet të japësh dorëheqje’.
