Moti i keq ka shkaktuar problematika në disa fshatra të njësisë administrative Thumanë në Krujë, ku 50 familje janë të izoluara dhe 7 të tjera të evakuuara.
Sekretari i përgjithshëm i bashkisë Krujë, Florind Cerhozi tha sot për ATSH-në se “100 ha tokë bujqësore dhe oborre janë nën ujë në njësinë administrative Bubq, por jo nëpër banesa brenda. Situata është rënduar pas daljes së lumit Gjole nga shtrati, duke sjellë probleme kryesisht në fshatrat Murqinë, Bilaj dhe Mallkuç”.
Sipas tij, reshjet e shiut kanë sjellë 300 ha tokë bujqësore dhe oborre janë nën ujë.
Problematika ka edhe në fshatrat Ars Miliskaje dhe Dukagjin i Ri, të cilat kanë ardhur si pasojë e çarjes së argjinaturës së lumit të Drojës.
“Hidrovori i Ministrisë së Bujqësisë është në funksion dhe 2 ekskavatorë të Bordit të Kullimit Durrës dhe Lezhë prej 2 ditësh kanë punuar deri vonë dhe vijojnë të punojnë për mbushjen e argjinaturës”, tha Cerhozi.
