• Home
  • LAJME
  • ZVICER
  • Zviceranët kanë në zotërim privat 865 mijë armë të regjistruara
ZVICER

Zviceranët kanë në zotërim privat 865 mijë armë të regjistruara

Spread the love

Numri i armëve të zjarrit që qytetarët zviceranë i mbajnë të regjistruara dhe me lejen përkatëse po vjen duke u rritur. Kështu, siç shkruan gazeta e së dielës „SonntagsBlick“, sot në familjet zvicerane janë 865 mijë armë të regjistruara në platformën ndërkantonale që shërben për këtë qëllim.

Se kemi të bëjmë me një trend të rritjes së konsiderushme tregon fakti se ky numër është për 73.000 më i madh se ai i regjistruar një vit më parë, transmeton albinfo.ch. Ndërsa para pak vitesh, Departamenti Federal i Dresjtësisë konsideronte se në zotërim të qytetarëve zviceranë ishin rreth 600 mijë armë zjarri.

Numrit të armëve në zotërim privat, duhet t`ia shtojmë edhe numrit prej rreth 900 mijë armësh të ushtrisë dhe një numër të panjohur të armëve në posedim ilegal.

Në Zvicër prej vitesh zhvillohet një debat lidhur me traditën e këtushme mjaft të theksuar të armëmbajtjes, shkruan albinfo.ch. Njëra palë në debat kërkon që të ashpërsohet procedura e regjistrimit të armës për personat privatë për shkak të rrezikut që ato të përdoren për vrasje.

Ndërsa pala tjetër e kundërshton këtë, duke e quajtur armëmbajtjen traditë zvicerane dhe duke argumentuar se Zvicra, me gjithë numrin mbimesatar të armëve në zotërim privat, ka njërën ndër shkallët më të ulëta të vrasjeve në botë./Albinfo.ch/

Related posts

10 vendet më të mira për të skijuar, tri vendet e para mbahen nga Zvicra

dritatv

Shkojnë për t`u shëruar por 6 % të pacientëve marrin një infeksion në spital

dritatv

Zviceranët dhe amerikanët, më jotransparentët në botë për banka dhe financa

dritatv

Leave a Comment