Presidenti i Turqisë, njëherësh edhe kreu i partisë në pushtet, AK Parti, Recep Tayyip Erdogan, ka shpalosur kandidatët e partisë për kryetar të Bashkisë së Stambollit si dhe kandidatët për bashkitë e distrikteve të Stambollit.
Duke folur në mbledhjen e partisë, në Stamboll, Erdogan, njoftoi se kryetari aktual i Parlamentit të Madh Popullor të Turqisë (TBMM), Binali Yildirim, është kandidat për kryetar i Bashkisë së Stambollit.
Erdogan gjithashtu njoftoi kandidatët për kryetarë të bashkive të 39 distrikteve të Stambollit.
Yildirim, korrikun e kaluar, ishte zgjidhur si kryeparlamentar i Turqisë. Ndërsa para sistemit presidencial ai ishte kryeministri i vendit.
Zgjedhjet lokale në Turqi janë planifikuar për 31 mars 2019.
