Vuçiç: Pres presione të mëdha, por ne duam të përpiqemi të arrijmë te një zgjidhje kompromisi

Kryetari i Serbisë Aleksandar Vuçiç thotë se vendet perëndimore tash e një kohë të gjatë po përpiqen ta ndryshojnë formatin e bisedimeve për Kosovën në Këshillin e Sigurimit ë Kombeve të Bashkuara.

Mediet më herët kanë raportuar se Londra do të mund të kërkojë ndërprerjen e mbledhjeve për Kosovën ose të kërkojë që ato të jenë të mbyllura për publikun.

Qëllimi i kërkesës, ishte që çështja e Kosovës të bartej në korpusin e “çështjeve procedurale” sepse në atë format Rusia dhe Kina nuk do të mund ta përdornin veton.

“Këtë po përpiqen ta bëjnë qe një kohë të gjatë Britania e Madhe, SHBA-ja, Franca dhe të gjithë ata që e kanë njohur Kosovën. Ata po thonë se në Kosovë nuk ka probleme, se nuk ka nevojë për raporte gjashtëmujore, porse vetëm të shkohet në mbledhje plenare e… Këtë e bëjnë tash e një kojë të gjatë dhe nga këndi i tyre ata punën e vet për Kosovën tashmë e kanë përfunduar. Periudha para nesh është vendimtare dhe e vështirë për vendin tonë, për qytetarët tanë, për popullin tonë. Pres presione të mëdha, por ne duam të përpiqemi të arrijmë te një zgjidhje kompromisi. Mbetet të shohim e të presim çfarë mendojnë t’i ofrojnë ata Serbisë dhe ne pastaj do të marrim vendime”, thotë Vuçiç./Kosova Post/

- ISLAMSHOP.CH -spot_img

LEXO MË SHUMË

Së fundi