Vrasja e administratorit në Selenicë, gjykata lë në burg Admir Delajn

Admir Delaj do të qëndrojë nën masën e sigurisë arrest me burg deri në përfundim të hetimeve ndaj tij, i akuzuar për vrasje.

Gjykata e Vlorës e la Admir Delajn në burg, pasi të premten ai qëlloi për vdekje shtetasin Fatmir Hodo, administrator i njësisë Administrative Kotë të bashkisë Selenicë.

Delaj akuzohet për veprën penale të vrasjes me dashje, ndërkohë që prokurori i çështjes paraqiti të gjitha provat, mbi të cilat u la në fuqi kjo masë arresti.

Admir Delaj qëlloi me një armë gjahu shtetasin Fatmir Hodo, ditën e premte në një lokal në qendër të fshatit Kotë, duke e lënë të vdekur në vend. Gjithçka ndodhi për shkak të një grindjeje të çastit mes autorit dhe viktimës. Ndërkohë gjatë seancës Delaj ka shfaqur pendesë./Top Channel/

- ISLAMSHOP.CH -spot_img

LEXO MË SHUMË

Së fundi