SHQIPERIA

Vijojnë lojërat e fatit, policia Tiranë zbulon dy raste të tjera

Spread the love

Policia e Tiranës vijon kontrollet në të gjithë qarkun në bazë të planit të masave për evidentimin e ushtrimit dhe zhvillimit të kundraligjshëm të lojërave të fatit.

Gjatë kontrollit janë konstatuar 2 subjekte me aktivitet të kundraligjshëm të lojërave të fatit. Policia lokale procedoi penalisht pronarët e tyre, konkretisht:

– A. R., 26 vjeç, banues në Tiranë, për veprën penale “Organizimi i lotarive të palejuara” pasi në rrugën “Todi Shkurti” në subjektin e tij iu gjet një paisje kompjuterike që përdorej për lojëra fati.

– I. A., për veprën penale “Organizim i palejuar i lojërave të fatit”, pasi në rrugën “Konferenca e Pezës” në subjektin e tij u konstatuan 14 shtetas duke luajtur poker.

Kontrollet kundër aktivitetit të lojërave të fatit do të vijojnë në gjithë qarkun Tiranë deri në ndëshkimin me ashpërsi të subjektit të fundit që ushtron këtë aktivitet anti-ligjor. Policia e Shtetit fton këdo të denoncojë falas në numrin 112 ose përmes aplikacionit “Komisariati Dixhital” çdo veprimtari të tillë të kundraligjshme.

Related posts

Vetting, shkarkohet kryetari i pezulluar i Gjykatë së Apelit

dritatv

Luigi Soreca: BE dhe Shqipëria janë më pranë se kurrë

dritatv

Elbasan, digjet makina në mes të natës; dyshohet për zjarrvënie të qëllimshme

dritatv

Leave a Comment