Video/ Ushtarët e Zvicrës me prejardhje shqiptare këndojnë këngën “Xhamadani vija vija…”

Pas “skandalit” me Flamurin Shqiptar në ambient publik dhe atij me vënien e simboleve Kombëtare shqiptare në uniformat e tyre zvicerane, të rinjtë me prejardhje shqiptare që shërbejnë në ushtrinë e Zvicrës u bënë edhe njëherë temë debati. Në një video që po qarkullon në Tiktok, një grup i tyre në një makinë këndojnë me shumë pasion këngën “Xhamadani vija vija”, e cila, sipas “20minuten” është “himni jozyrtar i Shqipërisë së madhe”.

Gazeta në fjalë shkruan se ndjekësit tjerë të kësaj platforme në internet nuk tregojnë mirëkuptim që ushtarët “secondos” në uniformën zvicerane të këndojnë këngë “shqiptaromëdha”, madje aty dëgjohen edhe thirrje për dëbim (të të huajve).

Ndërsa secondot reagojnë me humor: “Më vjen pak keq për Zvicrën. Të huajt e kanë marrë përpara, askush nuk mund të na ndalë”. I pyetur rreth këtij rasti,  zëdhënësi i Ushtrisë Zvicerane, Daniel Rist thotë të mos ketë dijeni rreth rastit konkret. Por megjithatë ai thotë se nuk sheh ndonjë problem këtu. “Në këtë mënyrë joformale dhe në automobil të mbyllur, kjo nuk na pengon”.

“Në sistemin që e ka Zvicra, të shërbimit ushtarak të përgjithshëm (Milizsystem), edhe njerëzit me dy shtetësi kryejnë këtë shërbim. Është e qartë se këta sjellin me vete në ushtri edhe sfondin e tyre kulturor”, thotë Tibor Szvircsev Tresch, sociolog ushtarak nga Akademia Ushtarake në Universitetin ETH të Cyrihut. Te këta pjesëtarë të ushtrisë rrahin në njëfarë mase dy zemra në një gjoks”.

Është e mundur që kjo video të ketë dalë si rezultat i dinamikës grupore. Megjithatë Tresch e konsideron si “jo të bukur” aksionin. “Populli pret neutralitet nga ushtria”. Ai e sheh këtu edhe një problem: “Me aksione të tilla do të ndihen të provokuara pakicat tjera brenda ushtrisë, në këtë rast për shembull serbët, gjë që mund të çojë në konflikte”.

Sipas Tresch, sikur kënga të këndohej në ambient publik, ajo mund të kishte eventualisht edhe pasoja disiplinore për ushtarët në fjalë. Sikur në rastin e pranverës së vitit 2015 kur ushtarët kishin pozuar në mjete të transportit publik me flamurin shqiptar/Albinfo.ch

- ISLAMSHOP.CH -

LEXO MË SHUMË

Reforma zgjedhore/Borchardt: Vota e deputetëve të rinj e ligjshme

Kreu i Prezencës së OSBE-së në vendin tonë, Bernd Borchardt pas konferencës për dekriminalizmin i është përgjigjur edhe interesimit të gazetarëve. Teksa ka komentuar...

Apeli refuzon ankesën e avokatit të Xhabir Zharkut, ai mbetet në paraburgim

Gjykata e Apelit e Kosovës, e ka refuzuar si të pa bazuar ankesen e  avokatit mbrojtës, kundër...

Duhani shkurton jetën, po pse disa konsumues të tij jetojnë gjatë?

Të gjithë duhanpirësit e dinë se për shkak të këtij vesi që ka të bërë direkt me organizmin, shëndeti i tyre kërcënohet dhe vdekja...

Së fundi

Qeveria paralajmëron vendim të ri për reciprocitetin me Serbinë

Tregu kosovar është vërshuar me produkte të importuara nga Serbia. Këtë e ka mundësuar heqja e taksës më 31 mars nga Qeveria në detyrë. Statistikat tregojnë...

Greqia shënon viktimën e 173-të nga COVID-19, 10 raste të reja në 24 orët e fundit

Greqia ka shënuar edhe një viktimë së fundmi nga COVID-19 duke e çuar bilancin në 173. Vendi fqinj në 24 orët e fundit ka shënuar...

Kosovë : 9 raste të reja me Covid-19 dhe 3 të shëruar.

NËNTË RASTE ME COVID-19 DHE TRE TË SHËRUAR! Sot më 26 maj 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar...