Nuk ka asnjë “ilaç” që mund të shëroj Milanin këtë sezon, nuk ka asnjë efekt as Stefano Piolo, në shtëpinë e “djallit” nuk ndryshon asgjë, janë sërish aty në ujëra të turbull në Serie A, vetëm 3 pikë larg zonës së ftohtë. Roma i shkaktoi humbjen e radhës, e pesta sezonale.
Në stadiumin Olimpik, Dzeko kaloi kryeqytetasit në avantazh në minutën e 38-të pas një gol më kokë, i harruar në shtyllën e dytë. Milan u rikthye në lojë në minutën e 55-të falë një goli të shënuar nga Hernandez. Milan nuk kishte kohë as të festonte golin e mbrojtësit pasi Zaniolo katër minuta më vonë rikthye sërish Romën në avantazh duke sigluar shifrat përfundimtare në 2-1. Falë këtij suksesi, Roma ngjitet në vendin e 5-të në kuotën e 16-të pikëve, një më pak se Napoli.
