Ushtarët izraelitë në Bregun Perëndimor të pushtuar kanë arrestuar 22 palestinezë.
Nga ushtria izraelite bëhet e ditur se palestinezët janë arrestuar për shkak të “pjesëmarrjes në aktivitete terroriste”.
Agjencia palestineze e lajmeve WAFA lajmëron se në mesin e tyre është edhe një palestineze e arrestuar gjatë vizitës së të birit në burgun izraelit në të cilin gjendet nga viti 2008.
Zyrtarët palestinezë nuk kanë dhënë njoftim zyrtar.
Të dhënat e Shoqatës së të Burgosurve Palestinezë tregojnë se në burgjet izraelite gjenden rreth 6.000 palestinezë, në mesin e të cilëve janë rreth 350 të mitur.