U përdhunua dhe u vra, hetime për masakrimin e gazetares bullgare

Vrasja brutale e një folëseje televizive ka tronditur të gjithë Bullgarinë, e ka sjellë një valë reagimesh të menjëhershme, përfshirë atë të OSBE-së që bëri thirrje urgjente për një hetim rrënjësor të ngjarjes së rëndë.

“Personat përgjegjes duhet të përballen me drejtësinë”, thuhet në deklaratën e lëshuar prej Organizatës së Sigurisë dhe Bashkëpunimit në Europë. Federata europiane e Gazetarëve shkruan në “Twitter” se lajmi i fundit me të cilin po merrej Viktoria Marinova lidhej me korrupsionin shtetëror.

Trupi i pajetë i 30-vjeçares gazetare, folëse dhe drejtoreshë administrative e televizionit lokal “TVN”, u gjet pranë brigjeve të lumit Danub në qytetin verior Ruse. Ajo ishte përdhunuar, rrahur e më pas mbytur.

Shume prej objekteve të saj personale mungonin, kur një kalimtar i rastit e gjeti në një zonë të mbuluar nga bari. Por, ndonëse kjo e bën të duket si një sulm të rastësishëm, ka zëra që thonë se vrasja e Marinovës lidhet me punën e saj.

Kreu i zyrës së Prokurorisë në Ruse, Georgi Georgiev, si dhe drejtues të policisë thanë se të gjitha opsionet mbeten në tryezë, e se për këtë ngjarje do të hetohet çdo pistë e mundshme.

Faqja bullgare e internetit “Terminal 3” shkruan se në raportimin e saj të fundit, gazetarja kishte bashkëpunuar me reporterin investigativ rumun, Atila Biro, dhe një koleg bullgar, Dimitar Stoyanov. Ata kanë dashur të zbulojnë përse u arrestuan dy gazetarët nga policia pranë qytetit Radomir, në jug të Sofjes, ndërsa po hetonin mbi shkatërrimin e disa dokumenteve, që thuhej se implikonin kompaninë e infrastrukturës “GP Group” në manipulimin e tenderave të BE-së.

Marinova është gazetarja e tretë që vritet në Bashkimin Europian brenda më pak se një viti pas Daphne Caruana Galizia në Maltë dhe Jan Kuciak në Sllovaki./Top Channel/

- ISLAMSHOP.CH -

LEXO MË SHUMË

Zv/kryeministri Pacolli dënon sulmin në Kanada

Ministri i Jashtëm i Kosovës, Behgjet Pacolli, ka dënuar sulmin dje në Toronto të Kanadasë, që sipas raportimeve, mbetën të vdekur 10 persona pasi...

Shurup trëndafili: Ilaç për mëlçi dhe zorrë

  Në mjekësinë popullore konsiderohet edhe si ilaç për mëlçi dhe zorrë, ndërsa në industrinë kozmetike qëmoti është i njohur ndikimi i tij i mirë...

Turqia dhe OKB dërgojnë 26 kamionë me ndihma në Idlib

Një agjenci humanitare turke dhe Kombet e Bashkuara (OKB) kanë dërguar 26 kamionë me ndihma humanitare në qytetin veriperëndimor sirian, Idlib. Zyrtarët turq të Autoritetit...

Së fundi

Lajmet dt : 25 / 09/ 2020

https://youtu.be/6Mzr2UNEIGE   DRITA TV LAJME 25 9 2020 Lumi Vjosa ka përplasur sërish politikisht kryeministrin Edi Rama dhe Presidentin ilir Meta. Pasi ky i fundit kërkoi që...

Kërcënojnë të hedhin hije mbi bashkëpunimin për COVID, përplasje SHBA-Kinë-Rusi

Përplasjet në rritje midis Shteteve të Bashkuara nga njëra anë dhe Kinës e Rusisë nga ana tjetër u shfaqën hapur të enjten në periferitë...

Rrëzohet një aeroplan ushtarak në Serbi, një viktimë

Një aeroplan ushtarak është rrëzuar në Serbi. Mediat lokale raportojnë se njëri nga pilotët ka humbur jetën ndërsa tjetri po kërkohet. Gjithashtu është lënduar edhe një...