U përdhunua dhe u vra, hetime për masakrimin e gazetares bullgare

Vrasja brutale e një folëseje televizive ka tronditur të gjithë Bullgarinë, e ka sjellë një valë reagimesh të menjëhershme, përfshirë atë të OSBE-së që bëri thirrje urgjente për një hetim rrënjësor të ngjarjes së rëndë.

“Personat përgjegjes duhet të përballen me drejtësinë”, thuhet në deklaratën e lëshuar prej Organizatës së Sigurisë dhe Bashkëpunimit në Europë. Federata europiane e Gazetarëve shkruan në “Twitter” se lajmi i fundit me të cilin po merrej Viktoria Marinova lidhej me korrupsionin shtetëror.

Trupi i pajetë i 30-vjeçares gazetare, folëse dhe drejtoreshë administrative e televizionit lokal “TVN”, u gjet pranë brigjeve të lumit Danub në qytetin verior Ruse. Ajo ishte përdhunuar, rrahur e më pas mbytur.

Shume prej objekteve të saj personale mungonin, kur një kalimtar i rastit e gjeti në një zonë të mbuluar nga bari. Por, ndonëse kjo e bën të duket si një sulm të rastësishëm, ka zëra që thonë se vrasja e Marinovës lidhet me punën e saj.

Kreu i zyrës së Prokurorisë në Ruse, Georgi Georgiev, si dhe drejtues të policisë thanë se të gjitha opsionet mbeten në tryezë, e se për këtë ngjarje do të hetohet çdo pistë e mundshme.

Faqja bullgare e internetit “Terminal 3” shkruan se në raportimin e saj të fundit, gazetarja kishte bashkëpunuar me reporterin investigativ rumun, Atila Biro, dhe një koleg bullgar, Dimitar Stoyanov. Ata kanë dashur të zbulojnë përse u arrestuan dy gazetarët nga policia pranë qytetit Radomir, në jug të Sofjes, ndërsa po hetonin mbi shkatërrimin e disa dokumenteve, që thuhej se implikonin kompaninë e infrastrukturës “GP Group” në manipulimin e tenderave të BE-së.

Marinova është gazetarja e tretë që vritet në Bashkimin Europian brenda më pak se një viti pas Daphne Caruana Galizia në Maltë dhe Jan Kuciak në Sllovaki./Top Channel/

- Reklamë -

LEXO MË SHUMË

Pasojat nga mbajtja e telefonit në xhep

Tashmë telefonat e mençur janë pjesë thuajse e pandashme e secilit. Mirëpo, rrezatimi i tyre në fakt lë shumë pasoja, dhe është mirë të dihen...

Protesta e 2 qershorit,gjykata cakton masën për 42 të arrestuarit

Gjykata e Tiranës ka caktuar masën e sigurisë për 42 protestues, që morën pjesë në protestën e 2 qershorit të opozitës në kryeqytet. Në lidhje...

Meta uron me poezi të recituar me shpirt për Ditën e Flamurit

Në përvjetorin e 106-të të Pavarësisë, Presidenti Ilir Meta ka zgjedhur të urojë shqiptarët me një poezi të recituar nga dy nxënës shqiptarë të...

Së fundi

Shpenzimet e shumta, kërkohet dorëheqja e Ministrit të Ekonomisë

Skandali me shpenzime maramendëse të ministrit të ekonomise Kreshnik Bekteshi që ka bërë për vetëm gjashtë muaj sa është në detyrë duket se po...

Xhavit Haliti takon avokaten e popullit të Shqipërisë, Erinda Ballanca

Nënkryetari i Kuvendit të Kosovës, Xhavit Haliti, priti sot në takim Avokaten e popullit të Shqipërisë, Erinda Ballanca, e cila shoqërohej nga Avokati i...

Izraeli vazhdon të arrestojë palestinezët me pretendime të ndryshme

Ushtarët izraelitë kanë arrestuar 19 palestinezë në Bregun Perëndimor të pushtuar. Ushtria izraelite tha në një deklaratë se 19 palestinezë janë arrestuar në bastisjet e...