Të paktën 15 anëtarë të ekuipazhit u evakuuan pasi një zjarr shpërtheu sot në një anije mallrash pranë bregut jugor të Stambollit.
Guvernatori i Stambollit, Ali Yerlikaya për AA tha se zjarri shpërtheu në orën 06.20 sipas kohës lokale në qarkun Pendik të Stambollit në Detin Marmara.
“Një anije policore shkoi në vendin e ngjarjes dhe 15 anëtarë të ekuipazhit u shpëtuan dhe u dërguan në portin Kartal të Stambollit”, tha Yerlikaya.
Zjarri është shuar dhe në vijim është procesi i ftohjes së anijes.
Anija e mallrave e cila mbërriti nga Bejruti, ankoroi më 2 janar pranë brigjeve të qarkut Pendik të Stambollit. Anija e regjistruar në Togo është në pronësi të një shtetasi turk dhe të gjithë anëtarët e ekuipazhit janë të huaj.