Thaçi udhëton për në Gjermani, merr pjesë në Konferencën e Sigurisë në Munih

0
15

Presidenti i Republikës së Kosovës, Hashim Thaçi, ka udhëtuar sot për në Gjermani, ku do të marrë pjesë në Konferencën e Sigurisë së Munihut.

Siç thuhet në njoftim, në margjinat e Konferencës së Sigurisë së Munihut, presidenti Thaçi do të ketë takime të ndryshme bilaterale, ndër të tjera edhe me senatorët amerikanë Ron Johnson dhe Chris Murphy, me Ndihmëssekretarin e Departamentit të Shtetit, Philip Reeker, pastaj me Drejtorin Politik të Ministrisë së Jashtme të Mbretërisë së Bashkuar, Richard Moore, si dhe me Ministrin e Jashtëm të Sllovakisë, Miroslav Lajçak.

Po ashtu, presidenti Thaçi në kuadër të kësaj konference do ta takojë edhe të dërguarin e posaçëm të Presidentit Trump për dialogun Kosovë – Serbi, ambasadorin Richard Grenell.

Ndryshe, kryeministri i Kosovës Albin Kurti, sot i bëri ftesë për takim presidentit Hashim Thaçi, por ky i fundit veçse është nisur për në Munih të Gjermanisë.

LEAVE A REPLY

Please enter your comment!
Please enter your name here