Thaçi: Kemi përkrahjen e BE-së, SHBA-së dhe tërë botës për marrëveshjen përfundimtare me Serbinë

Presidenti i vendit, Hashim Thaçi dhe zëvendëskryeministri, Behgjet Pacolli, janë takuar me Përfaqësuesen e Lartë të BE-së, Federica Mogherini.

Presidenti i Kosovës, Hashim Thaçi dhe zëvendëskryeministri, Behgjet Pacolli, janë takuar me Përfaqësuesen e Lartë të BE-së, Federica Mogherini.

Pas këtij takimi, është vet presidenti Hashim Thaçi, ai i cili ka treguar se pjesë e diskutimit të këtij takimi ishte zhvillimi rajonale dhe rëndësinë e integrimit evropian të tërë shteteve të Ballkanit Perëndimor.

Tutje ai ka bërë të ditur se Kosova e ka përkrahjen e tërë botës për ta arritur një marrëveshje paqësore, përfundimtare dhe gjithëpërfshirëse me Serbinë.

Postimi i plotë i Thaçit pa ndërhyrje:

Para Samitit të Berlinit, bashkë me Zëvendëskryeministrin e Parë, Behgjet Pacollin, patëm një takim bilateral kisha me Përfaqësuesen e Lartë të BE-së për Politikë të Jashtme, Federica Mogherini.

Ne diskutuam për zhvillimet rajonale dhe rëndësinë e integrimit evropian të tërë shteteve të Ballkanit Perëndimor.

Për ne, fqinjët tanë dhe vetë Bashkimin Evropian, një marrëveshje ndërmjet Kosovës dhe Serbisë është jetike që të ecim të gjithë përpara së bashku.

Pas arritjes së marrëveshjes ndërmjet Maqedonisë Veriore dhe Greqisë, kjo marrëveshje do t’i sillte edhe më shumë paqe e stabilitet rajonit dhe Evropës.

E kemi përkrahjen e Bashkimit Evropian, SHBA-së dhe tërë botës për ta arritur një marrëveshje paqësore, përfundimtare dhe gjithëpërfshirëse me Serbinë.

Ne jemi të gatshëm të rifillojmë dialogun në Bruksel.

- ISLAMSHOP.CH -spot_img

LEXO MË SHUMË

Së fundi