KOSOVA

Thaçi: Institucionet të reflektojnë për gjetjet e raportit të KE-së

Spread the love

Presidenti i Kosovës, Hashim Thaçi, pas publikimit të raportit për Kosovën nga Komisioni Europian, ka thënë se pa humbur kohë, të gjitha institucionet duhet të reflektojnë për përmbajtjen dhe gjetjet e raportit, në mënyrë që të adresohen problemet dhe sfidat e evidentuara. 

Sipas tij, Kosova ka vullnet të mjaftueshëm politik për të intensifikuar hapat e saj drejt integrimit në BE.

Postimi i plotë i Thaçit:

Komisioni Europian sapo publikoi raportin për Kosovën dhe pakon e zgjerimit. Më këtë rast, dua të theksoj se Kosova mbetet e përkushtuar për zbatimin e reformave evropiane dhe të Marrëveshjes së Stabilizim Asocimit.

Tani, pa humbur kohë, të gjitha institucionet duhet të reflektojnë për përmbajtjen dhe të gjeturat e raportit, në mënyrë që të adresohen problemet dhe sfidat e evidentuara. E përshëndes faktin që ky raport ka reflektuar pozitivisht rreth procesit të përmbushjes së kritereve për liberalizimin e vizave. Prandaj, e konsideroj çështje urgjente që ky proces të mbyllet sa më shpejt nga ana e BE-së, sepse qytetarët e Kosovës janë lodhur nga raportet e shumta. Tani është momenti për diçka konkrete. Liberalizimi i vizave duhet të ndodhë pa humbur kohë.

Kosova ka vullnet të mjaftueshëm politik për të intensifikuar hapat e saj drejt integrimit në BE. Përkushtimi i Kosovës për reformat, bashkëpunimi rajonal dhe dialogu për normalizim të marrëdhënieve me Serbinë në njërën anë, dhe në anën tjetër rikonfirmimi i institucioneve të BE-së se të gjitha vendet e Ballkanit Perëndimor e kanë të ardhmen në BE, duhet që natyrshëm të kurorëzohet me hapin e radhës drejt integrimit evropian të Republikës së Kosovës, pra marrjen e statusit të vendit kandidat për anëtarësim. Kosova ka nevojë të ketë qartësi në rrugën e saj evropiane dhe të trajtohet në mënyrë të barabartë me shtetet tjera të rajonit. Pavarësisht sa e komplikuar mund të jetë një gjë e tillë për BE-në, në mungesë të një perspektive të qartë, gjithçka tjetër mund të sjell komplikime dhe pasoja jo vetëm për Kosovën por edhe gjithë rajonin./Kosova Post/

Related posts

Lluka: Termocentralet janë ndotës të vegjël në krahasim me thëngjillin që digjet në shtëpi e shkolla

dritatv

Veseli për DW: Ushtria e Kosovës do të bëhet në partneritet me NATO-n

dritatv

FSK: Trupi i pajetë në Lepenc është i Malsor Dashit

dritatv

Leave a Comment