Thaçi: Bazamenti i ushtrisë së Kosovës është gjaku i derdhur për liri

Presidenti i Kosovës, Hashim Thaçi, për nder të 12-vjetorit të pavarësisë së Kosovës ka vizituar pasdite Kazermën “Adem Jashari”, ku është pritur me nderime nga trupat e Forcës së Sigurisë së Kosovës, (AA).

Presidenti Thaçi, i cili është me kushtetutë edhe Komandanti Suprem i ushtrisë së vendit, i është drejtuar pjesëtarëve të FSK-së me fjalë rasti për 17 Shkurt – Ditën e Pavarësisë.

Thaçi tha se për të ardhur deri në ditën kur Kosova u bë me ushtri të vet duhej shumë mund, luftë, përpjekje e durim, si dhe vullnet e unitet të brendshëm dhe partneritet me miqtë ndërkombëtarë.

“Bazamenti i ushtrisë së Kosovës është gjaku i derdhur për liri, janë heronjtë tanë, dëshmorët e lirisë, invalidët e luftës, veteranët e luftës, kontributi i diasporës, është sakrifica e gjithë qytetarëve të Kosovës”, tha Thaçi në fjalën e tij.

Ai tha se ushtria e Kosovës është shembulli më i mirë i bashkëpunimit me shtetet mike të Kosovës, të cilat ju gjetën asaj në momentet më kritike të vendit.

Presidenti i vendit tha se Kosova do të jetë prodhues i paqes, faktor i stabilitetit në rajon e shembull i bashkëpunimit me NATO-n, ndërsa “në të ardhmen e afërt do të jetë pjesë e NATO-s”.

“Ju jeni institucioni që gëzoni me shumë meritë respektin e gjerë qytetar. Njëkohësisht, duke thelluar bashkëpunimin me gardën amerikane dhe NATO-n, ju do të jeni të gatshëm të merrni pjesë në misione ushtarake dhe humanitare, kudo që kërkohet nga NATO dhe shtetet mike. Pra, ju po rriteni në një ushtri kredibile në sytë e botës, ashtu siç i ka hije një vendi paqësor”, tha Thaçi.

Ai falënderoi pjesëtarët e ushtrisë së vendit për rezultatet e treguara në situata krizash në rajon dhe kudo ku pati nevojë, sidomos siç tha ai, në intervenimin e tyre në Shqipëri kur ajo u godit nga tërmete të rënda në nëntorin e vitit të kaluar.

Thaçi shtoi se përbërja etnike dhe gjinore e ushtrisë kosovare tregon “zbatimin e standardeve më të larta kushtetuese dhe ligjore në shtetin tonë”.

Ndryshe, presidenti kosovar do të organizojë pritje solemne në katedralen “Nëna Terezë” sot në mbrëmje, me të ftuar vendas e ndërkombëtarë për nder të shënimit të Ditës së Pavarësisë së Kosovës.

Pavarësia e Kosovës u shpall më 17 shkurt të vitit 2008 ndërsa ajo sot njihet nga 116 vende të ndryshme të botës.

- ISLAMSHOP.CH -

LEXO MË SHUMË

Heronjtë e Tajlandës, stafi që nxori nga shpella 12 fëmijët dhe trajnerin e tyre

Shpëtimi, në dukje i pamundur i djemve të bllokuar prej mbi dy javësh në një shpellë të Tajlandës, ishte rezultat i përpjekjeve titanike të...

Yildirim kandidat i AK Partisë për Bashkinë e Stambollit

Presidenti i Turqisë, njëherësh edhe kreu i partisë në pushtet, AK Parti, Recep Tayyip Erdogan, ka shpalosur kandidatët e partisë për kryetar të Bashkisë...

Këta janë frutat që kanë më shumë sheqer dhe ato me më pak

Frutat janë një grup ushqimor që mund t’i bëjë konfuzë ata që hanë ushqime me pak karbohidrate apo diabetikët. Ka dhe disa dieta, të cilat...

Së fundi

Turqia regjistron 73 vdekje të reja nga COVID-19, numri i viktimave rritet në 574

Turqia ka konfirmuar se 73 persona të tjerë kanë vdekur nga koronavirusi i ri (COVID-19) në vend, duke e çuar në 574 numrin e...

Itali/ Rënie e madhe e numrit të viktimave në 24 orët e fundit

Italia ka publikuar bilancin e 24 orëve të fundit sa i përket të prekurve me Koronavirus. Numri i viktimave ka shkuar në 15887, që...

Shkon në 21 numri i viktimave në Shqipëri, ndërron jetë ish-boksieri

Ka shkuar në 21 numri i viktimave që lidhen me Koronavirusin në Shqipëri. Ministria e Shëndetësisë ka njoftuar se ka ndërruar jetë ish-boksieri Skënder...