Digjitalizimi i shteteve të Ballkanit Perëndimor është parakusht elementar për integrimin në Bashkimin Europian.
Kështu u tha në një drekë pune që kryeministri i Kosovës, Ramush Haradinaj, ka zhvilluar me komisionarin e BE-së për Zgjerim, Johannes Hahn, në kuadër të Samitit Digjital të Ballkanit Perëndimor që po mbahet në Shkup.
Në këtë drekë pune morën pjesë edhe kryeministri i Maqedonisë Zoran Zaev, kryesuesin e Këshillit të Ministrave të Bosnjës dhe Hercegovinës, Denis Zvizdiq, zv/kryeministren e Shqipërisë, Senida Mesi, ministren e Ekonomisë të Malit të Zi, Dragica Sekuliç dhe komisionaren Europiane për Ekonominë Digjitale dhe Shoqëri, Mariya Ivanova Gabriel.
Forcimi i Bashkëpunimit Ekonomik Rajonal dhe rruga europiane e vendeve të Ballkanit Perëndimor, ishin temat që u diskutuan në këtë drekë pune.
Në mes tjerash, Kosova konfirmoi bashkërenditjen e saj me shtetet e Ballkanit Perëndimor në heqjen e tarifave të roamingut brenda këtyre vendeve në fazën e parë dhe më pas me shtetet e BE–së, si dhe angazhimin konkret në digjitalizimin e Administratës Publike.
Samiti Digjital i vendeve të Ballkanit Perëndimor po mbahet në Shkup të Maqedonisë dhe Kosova po përfaqësohet nga kryeministri Ramush Haradinaj dhe përfaqësues të tjerë nga institucionet e vendit./Kosova Post/
