Jorida Tabaku përmes një statusi në Facebook shkruan se Rama u rikthye në skenën e krimit, duke iu referuar edhe vizitës së kryeministrit në Fier.
Sipas saj projekti i inceneratorëve në Fier rezulton të jetë fantazmë, por në Tiranë po realizohet duke u shndërruar në barrë për gjithëkënd.
“Për ta kuptuar se sa korruptive është procesi i dhënies së lejeve inceneratore mjafton të përmendim se 17 vkm janë dhënë brenda një dite. Për të grabitur para publike që kanë shkuar dhe do të shkojnë në xhepat e Klodian Zotos (por edhe kush fshihet pas tij). Prandaj kontratat e inceneratorëve do të jenë nga të parat që do te jetë subjekt i ligjit antimafia. Kushdo që ka firmosur, përfituar dhe punuar në dëm të buxhetit dhe qytetarëve do të vihet para ligjit. Fondet do të shkojnë për komunitetin! Rama fatkeqesisht kudo qe shkon vetem krim shkakton kete here ekonomik e mjedisor. Fieraket prandaj protestojne sot e do protestojne dhe me 16 Mars”, shkruan Tabaku./Top Channel/
